نصيحه للام المهمله .... خليكى مهمله وعيشي سعيده قولى ورايا انا ام مهملة .... مبسوطه جدا اني مهملة،لما وقت النوم بيجي وبنتى مخلصتش لسه الواجب بدخلها تنام .لما بتبقي محتاجه يوم ترتاح فيه بعد مثلا شهر متواصل من التمرين و المدرسه بغيبها تقضي اليوم كله نوم. ايوه بنتي مش بتجيب full mark عشان هي تركيزها قليل بتبقي عارفه الاجابه الصح ولو اتشتت بتحل غلط بس هي عارفه وفاهمه وده يكفيني . ايوه مهمله أن لو في تمرين و هي محتاجه ترتاح و فعلا شكلها تعبان مش هوديها التمرين ده عشان تبقي مبسوطه مش عشان اسحلها فيه جنب سحلة المدرسه.ايوه مهمله مش بزعل لما ترجعلي هدومها فيها الوان و ايدها و شعرها ووشها المهم انها سعيده ايوه مهمله جدا لاني بعلمها الفطره والشاعر والتواصل مع الله خليليكم انتم العيب ابنوا بيه اسوار لبناتكم تخنقهم. ايوه مهمله و سعيده بالاهمال ده جدا لانها طفله احتياجاتها تاكل وتشرب و تلبس و تلعب بس .....مش تتسحل !!!!!! اللي بيقولوا عايزين ولادنا يبقوا احسن وعايشين فى سباق ... احسن بالنسبة لمين للناس ولا لنفسهم ولا لاهلهم ولا قرايبهم ولا جيرانهم ولا مين ولا مين بلاش ندخل ولادنا سبق لما يفوقوا منه يلاقوا عمرهم جري منهم من غير ما يشوفوه ولا يعيشوه .تحياتي لكل ام مهملة ..و يا ريت نحاول فعلا نعيشهم طفولتهم لان الوضع صعب و طفولتهم بتضيع كده و دي من احلى مراحلهم و اهم مرحلة للاشباع بالحب والسعاده والاحتواء